ପ୍ରଶାସନିକ ସ୍ତରରେ ଅଦଳବଦଳ, ବଦଳିଲେ ଖୋର୍ଦ୍ଧାର ଜିଲ୍ଲାପାଳ

ଭୁବନେଶ୍ୱର,୩।୮(ଓଡିଆନ ମିଡିଆ): ରାଜ୍ୟରେ ପ୍ରଶାସନିକ ସ୍ତରରେ ଆଜି ଛୋଟ ଧରଣର ଅଦଳବଦଳ ହୋଇଛି । ଓଡ଼ିଶା ସରକାର ଆଜି ଉଭୟ ଆଇଏଏସ୍ ଏବଂ ଓଏଏସ୍ ସ୍ତରରେ ଏକ ଅଦଳ ବଦଳ କରିଛନ୍ତି। ଏଥିରେ ଛଅଜଣ ଆଇଏଏସ୍ ଏବଂ ଓଏଏସ୍ ଅଧିକାରୀଙ୍କ ବଦଳି କରାଯାଇଛି। ଏମାନଙ୍କ ମଧ୍ୟରେ ଦୁଇଜଣଙ୍କୁ ଉପଜିଲ୍ଲାପାଳ ଭାବରେ ନିଯୁକ୍ତ କରାଯାଇଛି। ଖୋର୍ଦ୍ଧା ଜିଲ୍ଲାପାଳ ସିତାଂଶୁ କୁମାର ରାଉତଙ୍କର ବଦଳି ହୋଇଛି । ତାଙ୍କ ଜାଗାରେ ଖୋର୍ଦ୍ଧାର ନୂଆ ଜିଲ୍ଲାପାଳ ହୋଇଛନ୍ତି  ସନତ କୁମାର ମହାନ୍ତି । ସେହିପରି ବ୍ରହ୍ମପୁରର ଅତିରିକ୍ତ କମିସନର ହୋଇଛନ୍ତି ସୀତାଂଶୁ କୁମାର ରାଉତ । ଗଞ୍ଜାମ କୋଭିଡ ପରିଚାଳନାର ଓଏସଡି ହୋଇଛନ୍ତି କିର୍ତ୍ତି ଭାସନ୍ ଭି. । ଶୁଭଙ୍କର ମହାପାତ୍ର ହୋଇଛନ୍ତି କନ୍ଧମାଳ ବାଲିଗୁଡାର ଏସଡିଏମ । ସେହିପରି ସୂର୍ଯ୍ୟ ବଂଶୀ ମୟୂର ବିକାଶ ଏବେ ସମ୍ବଲପୁର ନୂତନ ଉପଜିଲ୍ଲାପାଳ ହୋଇଛନ୍ତି ।   ଜେ ସୋନାଲ ହୋଇଛନ୍ତି ଗଜପତି କୋଭିଡ ପରିଚାଳନାର ଓଏସଡି ।