Skip to content
ନୂଆଦିଲ୍ଲୀ,୧୪ ।୯: ଅନଲାଇନରେ ଚୀନ ୧୦ ହଜାରରୁ ଅଧିକ ଭାରତୀୟଙ୍କ ଗୁଇନ୍ଦାଗିରି କରୁଛି । ଏଥିରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ସିଜେଆଇ ରହିଛନ୍ତି । ଲିଷ୍ଟରେ ୫ ଜଣ ପୂର୍ବତନ ପ୍ରଧାନମନ୍ତ୍ରୀ, ୨୪ ଜଣ ମୁଖ୍ୟମନ୍ତ୍ରୀଙ୍କ ନାମ ରହିଛି । ତାଲିକାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ନାମ ବି ସାମିଲ ରହିଛି । ନେତା, ଖେଳାଳି, ବ୍ୟବସାୟୀଙ୍କ ଗୁଇନ୍ଦାଗିରି କରୁଛି ଚୀନ୍ । ଏହା ସହ ତାଲିକାରେ ଅଭିନେତା ଓ ମିଡିଆକର୍ମୀଙ୍କ ନାମ ବି ରହିଛି । ଚୀନର ଏହି ଲିଷ୍ଟରେ ୩୫୦ ସାଂସଦଙ୍କ ନାମ ରହିଛି । ଚୀନର ଗୁଇନ୍ଦାଗିରିକୁ ନେଇ ଲୋକସଭାରେ ନୋଟିସ କରିଛି କଂଗ୍ରେସ ।ଚୀନ୍ କମ୍ପାନୀଗୁଡିକ ସମସ୍ତ ବ୍ୟକ୍ତିବିଶେଷଙ୍କ ଡିଜିଟାଲ୍ ଜୀବନ ଶୈଳକୁ ଫଲୋ କରୁଛନ୍ତି । ଏହାସହିତ ସେମାନଙ୍କ ପରିବାର ଓ ସମର୍ଥକ କିପରି ଭାବେ କାମ କରୁଛନ୍ତି । ତାହା ଉପରେ ମଧ୍ୟ ନଜର ରଖୁଛନ୍ତି । ଚୀନ୍ କମ୍ପାନୀ ଏହି ସମସ୍ତ ଲୋକଙ୍କ ରିୟଲ ଟାଇମ୍ ଡାଟା ସଂଗ୍ରହ କରୁଛି, ଯାହାକି ଚୀନ୍ ସରକାରଙ୍କୁ ହସ୍ତାନ୍ତର କରିବ । ଏହି କମ୍ପାନୀ ଡାଟା ସଂଗ୍ରହ କରି, ଚୀନ୍ର ହ୍ରାଇବିଡ଼ ଓ୍ୱାର ନାମକ ଆଉ ଏକ କମ୍ପାନୀକୁ ହସ୍ତାନ୍ତ କରିଥାଏ । ଗୋଟିଏ ପଟେ LACରେ ଅନୁପ୍ରବେଶ କରି ଭାରତକୁ ଯୁଦ୍ଧ ପାଇଁ ଉସ୍କାଉଥିବା ବେଳେ ଅନ୍ୟ ପଟେ ଦେଶର ବଡ଼ ବଡ଼ ଲୋକଙ୍କ ଉପରେ ନଜର ରଖୁଛି ।