ବାଣ କାରଖାନାରେ ବିସ୍ଫୋରଣ

ତାମିଲନାଡ଼ୁ, ୪ା୯: ତାମିଲନାଡ଼ୁ ସ୍ଥିତ କୁଡ଼ାଲୋରରେ ଏକ ବାଣ କାରଖାନାରେ ବିସ୍ଫୋରଣ  ଘଟିଛି  ।   ବାଣ କାରଖାନାର ଗୋଦାମରେ ବିସ୍ଫୋରଣ ହେବାରୁ ୭ ଜଣ ବ୍ୟକ୍ତି ପ୍ରାଣ ହରାଇବା ସହ ତିନିଜଣ ଲୋକ ଆହତ ହୋଇଛନ୍ତି । ଆହତଙ୍କ ଅବସ୍ଥା ଗୁରୁତର ଥିବାରୁ ମୃତ୍ୟୁସଂଖ୍ୟା ବଢିବାର ଆଶଙ୍କା ରହିଛି । ବିସ୍ଫୋରଣର ତୀବ୍ରତା ଏତେ ଭୟଙ୍କର ଥିଲା ଯେ ଏକ କଂକ୍ରିଟ କୋଠା ସଂପୂର୍ଣ୍ଣ ଧ୍ୱଂସ ପାଇଯାଇଛି ।ଯାହା ଫଳରେ ୭ଜଣଙ୍କର ମୃତ୍ୟୁ ଘଟିଛି । ମୃତକଙ୍କ ସଂଖ୍ୟା ବଢ଼ିବାର ସମ୍ଭାବନା ରହିଛି । କିନ୍ତୁ କାରଖାନାରେ କାହିଁକି ନିଆଁ ଲାଗିଛି ସେନେଇ କୌଣସି ସ୍ପଷ୍ଟ ସୂଚନା ମିଳି ନାହିଁ । ସେଠାରେ ଉଦ୍ଧାର କାର୍ଯ୍ୟ ଜାରି ରହିଛି । ସୂଚନା ଅନୁସାରେ ତାମିଲନାଡ଼ୁର କୁଡ୍ଡାଲୋର ଜିଲ୍ଲାରେ ଥିବା କଟ୍ଟୁମାନାରକୋଲିଠାରେ ଥିବା ଏହି ବାଣ କାରଖାନାରେ   ଆସନ୍ତା ଦଶହରା ଓ ଦୀପାବଳୀକୁ ଦୃଷ୍ଟିରେ ରଖି  ବାଣ ତିଆରି କରାଯାଉଥିଲା । କାରଖାନା ପରିସରରେ ଥିବା ଗୋଦାମରେ ବିପୁଳ ପରିମାଣରେ ବିସ୍ଫୋରକ ଓ ବାଣ ରଖାଯାଇଥିଲା । ବାଣ ତିଆରିବେଳେ ନିଆଁ ଲାଗିବାକୁ ବିସ୍ଫୋରଣ ହୋଇଥିଲା । ତେବେ ନିଆଁର କାରଣ ଜଣାପଡ଼ିନାହିଁ । ଘଟଣାସ୍ଥଳରେ ପୁଲିସ, ସ୍ଥାନୀୟ ପ୍ରଶାସନ ଓ ଦମକଳ ବାହିନୀ ପହଞ୍ଚିଛନ୍ତି । ଦମକଳ ବାହିନୀ ପକ୍ଷରୁ ନିଆଁ ଲିଭାଯାଉଛି । ପ୍ରଶାସନ ପକ୍ଷରୁ ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି ।