ବନ୍ୟା ବିପନ୍ନଙ୍କୁ ଭେଟିଲେ ବିଧାୟକ

ରାଜନଗର,୧ା୯(ପ୍ରିୟବ୍ରତ ଓଝା); ରାଜନଗର ବ୍ଲକର ବନ୍ୟା ପ୍ରଭାବିତ ବିଭିନ୍ନ ଗାଁକୁ ବୁଲି ଦେଖିଛନ୍ତି ବିଧାୟକ ଧ୍ରୁବ ସାହୁ । ମଙ୍ଗଳବାର ଦିନ ଓସ୍ତିଆ ପଚାଂୟତର ନଗଡ, ଓସ୍ତିଆ, ବନ୍ଧପାଟଣା, ବେଲପାଳ ଓ କେରଡାଗଡ ପଚାଂୟତର ବନ୍ୟା ବିପନ୍ନଙ୍କୁ ବିଧାୟକ ଶ୍ରୀ ସାହୁ ଭେଟି ସେମାନଙ୍କ ସମସ୍ୟା ପଚାରି ବୁଝିଥିଲେ । ସରକାରୀ ସହାୟତା ଓ ରିଲିଫ ସମ୍ପର୍କରେ ଆଲୋଚନାକରିଥିଲେ । ସାପକାମୁଡାରେ ମୃତ୍ୟୁ ବରଣ କରିଥିବା କେରଡାଗଡ ଗ୍ରାମର ଗୋବର୍ଦ୍ଧନ ରାଉତଙ୍କ ପରିବାରକୁ ଭେଟି ସମବେଦନା ଜଣାଇବା ସହ ସରକାରୀ ସହାୟତା ମିଳିବାକୁ ପ୍ରଶାସନ ସହିତ ଆଲୋଚନା କରିବାକୁ ପ୍ରତିଶ୍ରୁତି ଦେଇଥିଲେ । ତାଙ୍କ ସହିତ ସର୍ବେଶ୍ୱର ମହାନ୍ତି ବିଭିନ୍ନ ପଚାଂୟତର ନେତୃବୃନ୍ଦ ସାମିଲ ହୋଇଥିଲେ ।