ବ୍ରହ୍ମପୁର,୧୮/୮(ମନୋଜ ପାତ୍ର):ଇନର ହ୍ୱିଲ୍ କ୍ଲବ ଅଫ ବ୍ରହ୍ମପୁର ଇଷ୍ଟ ପକ୍ଷରୁ ମହିଳା ପୋଲିସ କର୍ମଚାରୀଙ୍କୁ ଉପକରଣ ବଣ୍ଟନ କରାଯାଇଛି ।ସ୍ଥାନୀୟ ପୁରୁଣା ବସଷ୍ଟାଣ୍ଡ ଟ୍ରାଫିକ ପୋଲିସ ଥାନା କାର୍ଯ୍ୟରତ ମହିଳା କର୍ମଚାରୀଙ୍କୁ ଛତା,ମାସ୍କ,ସାନିଟାଇଜର ବଣ୍ଟନ କରାଯାଇ ଥିଲା ।ଏଥି ସହିତ କରୋନା ମହାମାରୀ ସମୟରେ ସଂକ୍ରମଣ ନିୟନ୍ତ୍ରଣ ନିମନ୍ତେ ମହିଳା କର୍ମଚାରୀ ମାନେ ଯୋଦ୍ଧା ଭଳି କରୁଥିବା କାର୍ଯ୍ୟକୁ ପ୍ରଶଂସା କରି ସମ୍ମାନୀତ କରିଥିଲେ ।ସେହିଭଳି କ୍ଳବ ପକ୍ଷରୁ ଏକ ସଚେତନତା କାର୍ଯ୍ୟକ୍ରମ ପୋଲିସ ସହାୟତାରେ ଅନୁଷ୍ଠିତ ହୋଇଥିଲା ।ଏଥିରେ ଲୋକଙ୍କୁ କରୋନା ସଂକ୍ରମଣ ସମ୍ପର୍କରେ ସଚେତନ କରାଯାଇ ଥିଲା ।ସରକାରଙ୍କ ପକ୍ଷରୁ ଜାରି ହୋଇଥିବା ସାମାଜିକ ଦୂରତା ଏବଂ ମାସ୍କ ବ୍ୟବହାର ନିୟମ ଅନୁପାଳନ କରିବାକୁ ଲୋକଙ୍କୁ ଅନୁରୋଧ କରାଯାଇ ଥିଲା ।ଏଥିରେ କ୍ଳବ ସଭାନେତ୍ରୀ ଅରୁଣିମା ଦାସ,ସମ୍ପାଦିକା ସଂଯୁକ୍ତା ପାଣିଗ୍ରାହୀ,ଗୀତାଞ୍ଜଳି ପୃଷ୍ଟି,କେ.ରାଜା,ସ୍ୱାତୀ,ଗାୟତ୍ରୀ ପ୍ରମୁଖ ଉପସ୍ଥିତ ଥିଲେ ।
102