ବ୍ରହ୍ମପୁର,୧୮/୮(ମନୋଜ ପାତ୍ର):ଭଞ୍ଜନଗର ଥାନା ଅଧିନସ୍ଥ ବେଲଗୁଣ୍ଠା ଫାଣ୍ଡି ଅନ୍ତର୍ଗତ ଗୋଲାପଡା ଠାରୁ ମାଟିଆ ସାହିକୁ ଯିବା ବେଳେ ଏକ କାଜୁ ଫ୍ୟାକ୍ଟ୍ରି ନିକଟରେ କିଛି ଦୁର୍ବତ ଭୋର ୩ଟା ସମୟରେ ଡକାୟତି ଯୋଜନା କରୁଥିବା ଖବର ପାଇ ଫାଣ୍ଡି ଅଧିକାରୀ ପ୍ରକାଶ ଚନ୍ଦ୍ର ସାହୁ ଉକ୍ତ ସ୍ଥାନରେ ଚଢ଼ାଉ କରିଥିଲେ ।ଚଢ଼ାଉ କରି ଘଟଣା ସ୍ଥଳରୁ ୬ ଜଣ ଦୁର୍ବତଙ୍କୁ କାବୁ କରି ସେମାନଙ୍କ ନିକଟରୁ ୩ଟି ଖଣ୍ଡା,୨ଟି ହାତ ବୋମା,୨ଟି ଲୁହା ଛଡ଼,୨ଟି ମୋବାଇଲ,୩ଟି ମୋଟର ସାଇକେଲ ସହ କିଛି ଲଙ୍କା ଗୁଣ୍ଡ ପ୍ୟାକେଟ ଜବତ କରିଥିବା ବେଳେ ଘଟଣା ସ୍ଥଳରୁ ୨ଜଣ ଦୁର୍ବତ ଚମ୍ପଟ ମାରିଥିବା ନେଇ ଥାନା ଅଧିକାରୀ ସୁଦୀପ୍ତ କୁମାର ସାହୁ ସୂଚନା ଦେଇଛନ୍ତି ।ଗିରଫ ହୋଇଥିବା ୬ ଜଣ ଅଭିଯୁକ୍ତଙ୍କୁ ସୋମବାର କୋର୍ଟ ଚାଲାଣ କରାଯାଇଥିବା ଜଣାପଡିଛି ।
80