ଗଞ୍ଜାମ,୧୨/୯(ମନୋଜ ପାତ୍ର):ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଅନ୍ତର୍ଗତ ଏ.ରଘୁନାଥପୁର ଗ୍ରାମରେ କୋଠ ନିର୍ମାଣ କେନ୍ଦ୍ର କରି ଦୁଇ ଗୋଷ୍ଠୀ ମୁହାଁମୁହିଁ ହୋଇଛନ୍ତି ।ଘଟଣା କେନ୍ଦ୍ର କରି ପୋଲିସ ଏକ ମାମଲା ରୁଜୁ କରିବା ସହିତ ୪ ଅଭିଯୁକ୍ତଙ୍କୁ ଗିରଫ କରାଯାଇଛି ।ପୋଲିସ ଗିରଫ ଅଭିଯୁକ୍ତଙ୍କ ଠାରୁ ଏକ ବନ୍ଧୁକ ମଧ୍ୟ ଜବତ କରିଛି ।ଗିରଫ ଅଭିଯୁକ୍ତ ହେଲେ ବନ୍ଥପଲ୍ଲୀ ଗ୍ରାମର ବୀରେନ୍ଦ୍ର ଗୌଡ଼(ବାପି),ଏ. ରଘୁନାଥପୁର ଗ୍ରାମର ଆଦର୍ଶ ପାଢ଼ୀ(୨୧),ବଡବଜାର ଥାନା ଅନ୍ତର୍ଗତ ତୃପ୍ତି ନଗର ଅଞ୍ଚଳର ଆକାଶ ସାହୁ ଓ ବ୍ରହ୍ମାନଗର ଅଞ୍ଚଳର ଦିଲ୍ଲୀପ ପୃଷ୍ଟି ବୋଲି ପୋଲିସ ପକ୍ଷରୁ ସ୍ପଷ୍ଟ କରାଯାଇଛି ।ଗ୍ରାମର ଏକ କୋଠା ଘର ନିର୍ମାଣ କେନ୍ଦ୍ର କରି ସବର୍ଣ୍ଣ ଓ ଅସବର୍ଣ୍ଣ ମଧ୍ୟରେ ସଂଘର୍ଷ ହୋଇଥିଲା ।ଏଥିରେ ଅସବର୍ଣ୍ଣ ଗୋଷ୍ଠୀର ୪ ଜଣ ଆହତ ହୋଇଥିଲେ ।ଘଟଣା ସମ୍ପର୍କରେ ଖବର ପାଇ ଦିଗପହଣ୍ଡି ଥାନାଧିକାରୀ ବସନ୍ତ କୁମାର ସେଠୀ ପହଞ୍ଚି ୪ ଅଭିଯୁକ୍ତଙ୍କୁ ଗିରଫ କରିଥିଲେ ।ଏହାପରେ ଥାନା କେସ ନଂ ୧୯୭/୨୦ ମାମଲା ରୁଜୁ କରି ୪ ଅଭିଯୁକ୍ତଙ୍କୁ କୋର୍ଟଚାଲାଣ କରିଥିଲେ ।
97