ଗଞ୍ଜାମ,୬/୯(ମନୋଜ ପାତ୍ର):ଖଲ୍ଲିକୋଟ ବ୍ଲକ ଅନ୍ତର୍ଗତ କନକା ପାଞ୍ଚୟତର କନକା ଗ୍ରାମର ନିବାସୀ ପାହାନ ସୁରାଟ ଯାଉଥିବା ବେଳେ ଟ୍ରେନରୁ ନିଖୋଜ ହୋଇଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି । ଏନେଇ ସେମାନେ ଖୋଜାଖୋଜି କରିଥିଲେ ବି କୌଣସି ସନ୍ଧାନ ପାଇନଥିବା ଜଣାପଡିଛି ।କନକା ଗ୍ରାମର ଜୁଝିଆ ପାହାନ ଙ୍କ ପୁଅ ନିବାସୀ ପାହାନ ଗତ ତିନି ତାରିଖରେ ସୁରାଟ ଯିବା ପାଇଁ ଭୁବନେଶ୍ବରରୁ କୋଣାର୍କ ଟ୍ରେନ ରେ ଭାଇ ଓ ସମ୍ପର୍କୟ ମାନଙ୍କ ସହ ବସିଥିଲେ । ଆନ୍ଧ୍ରପ୍ରଦେଶର ବିଜୟାୱାଡା ଷ୍ଟେସନ ନିକଟରେ ଟ୍ରେନ ପହଞ୍ଚିବା ବେଳକୁ ଭାଇ କାମେଶ୍ବର ଦେଖିଲା ବେଳକୁ ନିବାସୀ ଟ୍ରେନ୍ରେ ତଳେ ଠିଆ ହୋଇଛନ୍ତି। ଭାଇ ଙ୍କୁ ଟ୍ରେନକୁ ଆଣି ତାଙ୍କର ସିଟରେ ବସାଇଥିଲେ । ପରେ ଦୁଇଜଣ ସୋଇପଡ଼ିଥିଲେ । କାମେଶ୍ବର ଙ୍କ ନିଦ ଭାଙ୍ଗିଲା ବେଳକୁ ନିବାସୀ ନିଜ ସିଟ ରେ ନଥିଲେ । ପରେ ଟ୍ରେନ ରେ ଖୋଜାଖୋଜି କରିଥିଲେ ବି ତାଙ୍କର ପତାମିଳିନଥିଲା । ପରେ ଖଲ୍ଲିକୋଟ ଥାନାରେ ଏତେଲା ଦେଇଥିଲେ ପରିବାର ଲୋକେ ।
ଯଦି କୌଣସି ବ୍ୟକ୍ତି ଏହି ଯୁବକଙ୍କ ସନ୍ଧାନ ପାଆନ୍ତି ତେବେ ଉକ୍ତ ମୋବାଇଲ ନମ୍ବର ୮୮୪୯୨୭୧୨୧୬, ୬୩୭୨୦୩୬୩୮୦ ରେ ଯୋଗାଯୋଗ କରିବାକୁ ପରିବାର ଲୋକେ ଅନୁରୋଧ କରିଛନ୍ତି।