ବନ୍ୟା ପ୍ରଭାବିତ ଅଂଚଳ ବୁଲିଲେ ପ୍ରାକ୍ତନ ବିଧାୟକ ଅଂଶୁମାନ

ରାଜନଗର,୧ା୯(ପ୍ରିୟବ୍ରତ ଓଝା); ରାଜନଗର ବ୍ଲକର ବନ୍ୟା ପ୍ରଭାବିତ ଅଂଚଳରେ ବିପନ୍ନଙ୍କୁ ଭେଟି ସେମାନଙ୍କ ସମସ୍ୟା ପଚାରି ବୁଝିଥିଲେ ପ୍ରାକ୍ତନ ବିଧାୟକ ଅଂଶୁମାନ ମହାନ୍ତି । ଏହି ବ୍ଲକ ବନ୍ଧପଡା ପଚାଂୟତର ଚକିବାଙ୍କ, ଦାଣଯଡି, ଗୋବିନ୍ଦପୁର, ଓସ୍ତିଆ ପଂଚାୟତର ଓସ୍ତିଆ, ନଗଡ, ବନ୍ଧପାଟଣା, ବେଲପାଳ ପଞ୍ଚାୟତ, ରାଜପୁର ପଞ୍ଚାୟତର ରାଜପୁର, ଚନ୍ଦନପୁର, ବାଲିଚନ୍ଦ୍ରପୁର ଓ କେରଡାଗଡ ପଚାଂୟତର ବନ୍ୟା ପ୍ରଭାବିତ ଗାଁ ଗୁଡିକୁ ବୁଲି ଦେଖିଥିଲେ । ଏହି ଅବସରରେ ଲୋକମାନଙ୍କର ସମସ୍ୟା ପଚାରି ବୁଝିବାସହ ସରକାରୀ ସହାୟତା ସମ୍ପର୍କରେ ପଚାରି ବୁଝିଥିଲେ । କେରଡାଗଡ ଗ୍ରାମରେ ସାପ କମୁଡାରେ ମୃତ୍ୟୁବରଣ କରିଥିବା ଗୋବର୍ଦ୍ଧନ ରାଉତଙ୍କ ପରିବାରକୁ ଭେଟି ସମବେଦନା ଜଣାଇଥିଲେ । ତାଙ୍କ ସହିତ ଅଶୋକକୁମାର ବଳ, ଦେବେନ୍ଦ୍ରକୁମାର ଜେନା, ଅନନ୍ତକୁମାର ସେଠୀ, ଦିଲ୍ଲିପକୁମାର ସିୟ, ତାପସ ସାହୁ, କାହ୍ନୁଚରଣ ପରିଡା, ରଞ୍ଜନ ପାତ୍ର, ନରହରି ସ୍ୱାଇଁ, କାମଦେବ ରାଉତ, ଭାଗ୍ୟଧର ମଲ୍ଲିକ, ଅମର ସାହୁ, ସରପଂଚ କିରଣକୁମାର ନାୟକ ଓ ସମିତିସଭ୍ୟ ଶୁକଦେବ ଭଦ୍ର ପ୍ରମୁଖ ସାମିଲ ହୋଇଥିଲେ ।