ଶ୍ରୀନଗର, ୩୦/୦୮: ଜମ୍ମୁ-କାଶ୍ମୀରରେ ଶନିବାର ବିଳମ୍ବିତ ରାତ୍ରରେ ଶ୍ରୀନଗରର ପନ୍ଥା ଚୌକ୍ ଅଞ୍ଚଳରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ହୋଇଥିବା ଏନକାଉଣ୍ଟରରେ ଜଣେ ପୁଲିସ ଅଧିକାରୀଙ୍କ ମୃତ୍ୟୁ ଘଟିଥିବା ବେଳେ ତିନିଜଣ ଆତଙ୍କବାଦୀଙ୍କୁ ଗୁଳିକରି ହତ୍ୟା କରାଯାଇଛି। ଶନିବାର ରାତ୍ରରେ ଶ୍ରୀନଗରର ପାଣ୍ଠାରେ ଆତଙ୍କବାଦୀମାନେ ସିଆରପିଏଫ ଓ ପୋଲିସ ବାହିନୀ ଉପରେ ଗୁଳିମାଡ କରିଥିଲେ । ଏହାପରେ ସମ୍ପୂର୍ଣ୍ଣ ଅଞ୍ଚଳକୁ ପୋଲିସ ସିଲ୍ କରିବା ସହ ସର୍ଚ୍ଚ ଅପରେସନ ଆରମ୍ଭ କରିଥିଲା ।ଏହି ସମୟରେ ଆତଙ୍କବାଦୀମାନେ ପୁଣି ଗୁଳିମାଡ କରିଥିଲେ । ଏହାର ପ୍ରତି ଜବାବରେ ଯବାନମାନେ ମଧ୍ୟ ଫାୟାରିଂ କରିଥିଲେ । ଏଥିରେ ୩ଜଣ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି । ତେବେ ଏହି ଗୁଳି ବିନିମୟରେ ଜମ୍ମୁ-କାଶ୍ମୀର ପୋଲିସର ଜଣେ ଏଏସଆଇ ବାବୁ ରାମ ମଧ୍ୟ ସହିଦ ହୋଇଛନ୍ତି ।ଏବେ ମଧ୍ୟ ସର୍ଚ୍ଚ ଅପରେସନ ଜାରି ରହିଛି । ଏହାପୂର୍ବରୁ ଶୁକ୍ରବାର ସୋପିଆନରେ ୪ଜଣ ଆତଙ୍କବାଦୀ ପ୍ରାଣ ହରାଇଥିବା ବେଳେ ଜଣେ ଆତ୍ମସମର୍ପଣ କରିଥିଲେ ।
75