କରୋନା ଆକ୍ରାନ୍ତ ପୂର୍ବତନ ବିଧାୟକଙ୍କ ପାଇଁ ମା’ କନକେଶ୍ୱରୀଙ୍କ ପୀଠରେ ପୂଜାର୍ଚ୍ଚନା ।

ରାଜକନିକା,୨୮/୮ :ଆଳିର ପୂର୍ବତନ ବିଧାୟକ ଦେବେନ୍ଦ୍ର ଶର୍ମା କରୋନାରେ ଆକ୍ରାନ୍ତ ହୋଇ ଭୁବନେଶ୍ୱର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ପୂର୍ବତନ ବିଧାୟକ ଶ୍ରୀଶର୍ମାଙ୍କ ସ୍ୱାସ୍ଥ୍ୟ ଅବସ୍ଥା ଭଲ ଥିବା ନେଇ ପରିବାର ପକ୍ଷରୁ କୁହାଯାଇଛି । ଏହି ଖବର ପାଇଁ ତାଙ୍କ ସମର୍ଥକ ଏବଂ ଶୁଭେଚ୍ଛୁ ତାଙ୍କ ଆଶୁ ଆରୋଗ୍ୟ କାମନା କରିଛନ୍ତି । ରାଜକନିକା ବ୍ଲକ୍‌ର ମା’ କନେକଶ୍ୱରୀଙ୍କ ପୀଠରେ କଂଗ୍ରେସ ଦଳ ପକ୍ଷରୁ ତାଙ୍କ ସୁସ୍ଥ ନିରାମୟ ଆରୋଗ୍ୟ କାମନା କରି ଶୁକ୍ରବାର ସ୍ୱତନ୍ତ୍ର ଭାବେ ପୂଜାଅର୍ଚ୍ଚନା କରାଯାଇଛି । ସେହିଭଳି ଯୁବ କଂଗ୍ରସ ସଭାପତି ସତ୍ୟପ୍ର୍ରିୟ ସାମଲ ମଧ୍ୟ କରୋନା ଆକ୍ରାନ୍ତ ହୋଇଛନ୍ତି । ଏହି ଦୁଇ ନେତାଙ୍କ ଆରୋଗ୍ୟ କାମନା କରି ରାଜକନିକା ବ୍ଲକ୍ କଂଗ୍ରେସ ସଭାପତି ମଙ୍ଗୁଳି ଚରଣ ବେହେରା, ଶିକ୍ଷାବିତ୍ ରାମଚନ୍ଦ୍ର ଦାସ, ଶରତ ରାଉତ, ସତ୍ୟ ପରିଡ଼ା, ପ୍ରମୋଦ ପତି, ସତ୍ୟାନନ୍ଦ ପରିଡ଼ା , ପଂଚାନନ ସାହୁ, କ୍ଷୀରୋଦ ବେହୁରିଆ, ଏବଂ ନିମାଇଁ ରାଉତ ପ୍ରମୁଖ ମନ୍ଦିରରେ ମା’ଙ୍କ ନିକଟରେ ପ୍ରାର୍ଥନା କରିଛନ୍ତି ।