ଦୁଇ ପ୍ରକଳ୍ପର ଶୁଭ ଉଦଘାଟନ କଲେ କବିସୂର୍ଯ୍ୟନଗର ବିଧାୟିକା

ଗଞ୍ଜାମ,୨୬/୮(ମନୋଜ ପାତ୍ର):କୋଦଳା ବିଜ୍ଞାପିତ ଅଞ୍ଚଳ ପରିଷଦ ୱାର୍ଡ ନଂ ୪ ସ୍ଥିତ ଖଦାଳ ସାହି ଠାରେ ଜନସ୍ଵାସ୍ଥ୍ଯ ବିଭାଗ ପକ୍ଷରୁ ଘର ଘରକୁ ପାନୀୟ ଜଳ ଯୋଗାଣ ଏବଂ କୋଦଳା ଏନଏସି ଉନ୍ନୟନ କାର୍ଯ୍ୟ ପକ୍ଷରୁ ତିନୋଟି ସାହିରେ ଫେବର ନିର୍ମାଣ ରାସ୍ତାକୁ ମାନନିୟା କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନଙ୍କ କରକମଳରେ ଶୁଭ ଉଦଘାଟନ ହୋଇଯାଇଛି।ଉକ୍ତ ସାହି ମାନଙ୍କରେ ପାନୀୟ ଜଳର ଘୋର ଅଭାବ ସାଙ୍ଗକୁ ପୂର୍ତ୍ତବିଭାଗ ରାସ୍ତା ଠାରୁ ଘର ଗୁଡିକ ବହୁତ ଖାଲରେ ଥିବା ନେଇ ସାହିବାସିନ୍ଦା ଦୀର୍ଘ ଦିନଧରି ଦାବୀ କରିଆସୁଥିଲେ l ସାହିବାସିନ୍ଦାଙ୍କ ଅନୁରୋଧ କ୍ରମେ ଏହାକୁ ଗୁରୁତ୍ଵ ଦେବା ସହ କାର୍ଯ୍ଯ ଆରମ୍ଭ କରିବାକୁ ନିର୍ଦ୍ଦେଶ ଦେଇଥିଲେ ବିଧାୟିକା lଉକ୍ତ ଦୁଇଟି କାର୍ଯ୍ୟ ଶେଷ ହୋଇଥିବା ବେଳେ ସ୍ଥାନୀୟ ଜନସ୍ଵାସ୍ଥ୍ଯ ବିଭାଗ ଅଧିକାରୀ ରମେଶ ଚନ୍ଦ୍ର ପଣ୍ଡାଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଏବଂ ଅଞ୍ଚଳବାସୀଙ୍କ ଉପସ୍ଥିତରେ ବିଧାୟିକା ଉକ୍ତ ପ୍ରକଳ୍ପ ଲୋକାର୍ପଣ କରିଥିଲେ l ଏହାପରେ ବିଧାୟିକା ଉକ୍ତ ଅଞ୍ଚଳରେ ଆଉ କିଛି ସମସ୍ୟା ରହିଛି କି ବୋଲି ପଚାରି ବୁଝିବା ସହ ସମସ୍ୟା ଗୁଡିକର ସମାଧାନ ଅତିଶୀଘ୍ର ସମାଧାନ କରିବାକୁ ଚେଷ୍ଟା କରାଯିବ ବୋଲି ପ୍ରତିଶ୍ରୁତି ଦେଇଥିଲେ ।